English French German Spain Italian Dutch Russian Portuguese Japanese Korean Arabic Chinese Simplified


Yezidi Flag

YEZIDI NATIONAL UNION - KHDR HAJOYAN

Red Sultan Yezid

Ancestor of the Yezidis

Peacock - Symbol Melek Taus

Yezidis people of the Angel Malak Taus

RELIGION SHARFADIN

Yezidi people SUN-WORSHIPERS

LALISH

Main sanctuary Yezidis

Wednesday, April 18, 2012

Համերգ նվիրված Եզդիների Նոր Տարվան` Սարսալ

2012 թ. ապրիլի 18-ին Երևանում  ''Եզդիների ազգային միությունը''  ''Մենք հանուն քաղաքացիական հավասարության'' հասարակական կազմակերպության` ի դեմս ղեկավար Կարեն Բադալյանի, հետ համագործակցությամբ  անցկացրեց միջոցառում համերգային տեսքով նվիրված եզդիների ''Նոր Տարի` Մալաքե Թաուսի'' (Չարշամա Սարսալե 6762) տոնին:


''Մենք հանուն քաղաքացիական հավասարության'' ՀԿ
Նախագահ` Կարեն Բադալյան
Հայաստանի Հանրապետական Կուսակցության
ընտրական Կենտրոնական շտաբի պատասխանատու
Խաչատուր Վարդանյան
Ուկրաինական համայնք`
Մերի Տիրացույան և Անի Պոտուրյան
Հունական համայնք
Արթուր Խաչատրյան (Խարիդիս)


Միջոցառմանը ներկա էին գտնվում Հայաստանի Հանրապետական կուսակցության կենտրոնական շտաբի ներկայացուցիչներ Խաչատուր Վարդանյանը և Անահիտ Կիրակոսյանը, ՀՀ Մարդու իրավունքների պաշտպանի գրասենյակի ազգային փոքրամասնությունների հարցերով պատասխանատու Աննա Սաֆարյանը, ''Հայասա'' երիտասարդական հասարակական կազմակերպության ղեկավար Սուրեն Մկրտչյանը, ''Սինջար'' երիտասարդ եզդիների միավորում հկ-ի ղեկավար Բորիս Թամոյանը, Ռուստամ Բաքոյանը, ինչպես նաև Ուկրաինական և Հունական համայնքի ներկայացուցիչներ ի դեմս Մերի Տիրացույանի, Անի Պոտուրյանի և Արթուր Խաչատրյանի, ովքեր իրենց հերթին շնորհավորեցին եզդիներին` Մալաքե Թաուսի տոնի կապակցությամբ: Միջոցառման ընթացքում ընթերցվեց Եզդիների ազգային միության նախագահ պր. Ազիզ Թամոյանի շնորհավորական ուղերձը Եզդի ժողովրդին:


Ազիզ Թամոյանի անվան ''Եզդիստան'' պարի համույթ
Կլոճ` եզդիական ավանդական գաթան

Հանդես եկան կենդանի կատարումներով երգիչ Համիկ Թամոյանը` Ամիր Թամոյանի նվագակցությամբ, ''Էզդիստան'' պարի համույթը, ուկրաինական համայնքը: Միջոցառման ավարտին հանդիսատեսին տրվեցին հետաքրքիր հարցեր կապված եզդիների հետ, ինչու չէ նաև ներկայացվեց եզդիական կլոճը` գաթան, որի մեջ դրված էր ուլունքը: Նշենք, որ ըստ եզդիների ավանդության յուրաքանչյուր տարվա ապրիլի 13-ից հետո առաջին չորեքշաբթի օրը եզդիների ''Նոր Տարի'', Մալաքե Թաուսի տոնն է, և այս տարի իրենց մոտ 6762 թվականն է և այս տոնը շատ մեծ շուքով է նշվում հատկապես Իրաքի հյուսիսային մասում, եզդիական սուրբ Լալըշում (եզդիների գլխավոր սրբավայր), որտեղ դուրս է բերվում սուրբ Մալաքե Թաուսի ‘’Սինջակը’’ և ժողովուրդը խոնարհվում է և թողնում է նվերներ, դրամական պարգևներ:

Եզդիների Նոր Տարին - Չարշամա Սոր

ՀՀ Նախագահ պր. Սերժ Սարգսյանի շնորհավորանքը Եզդիների Նոր տարվա կապակցությամբ



Ջերմորեն շնորհավորում եմ Հայաստանի եզդիական համայնքին Նոր տարվա` Մալաքե Թաուսի կապակցությամբ: Ժողովրդական այս պայծառ տոնը գեղեցիկ առիթ է կիսելու միմյանց ուրախությունը, անկեղծ բարեմաղթանքի խոսքեր հղելու մեր ընկերներին ու բարեկամներին, Հայաստանի եզդիական համայնքի բոլոր ներկայացուցիչներին:  Համոզված եմ, որ հայերի և եզդիների միջև առկա ջերմ հարաբերություններն այս նոր տարում ավելի են ամրանալու և խորանալու, մանավանդ որ նրանք բռնել են դարերի քննությունը: 

Հայաստանի իշխանությունները պատասխանատու են հանրապետության բոլոր քաղաքացիների առջև, բայց մենք առանձնահատուկ պատասխանատվություն ենք զգում ազգային փոքրամասնությունների նկատմամբ: Ուշադրություն և հոգածություն նրանց խնդիրների նկատմամբ՝ ահա մեր սկզբունքը: Կրկին շնորհավորելով Մալաքե Թաուսի տոնի առթիվ՝ մաղթում եմ, որ գալիք տարին Հայաստանի եզդիական համայնքի համար լինի լիության ու առատության տարի, հաջողությունների և երջանկության տարի:

-----------------------------------------------------------------------------------------------

Տարեսկզբի Չորեքշաբթին և եզդիների հրեշտակապետ Մալաքե Թաուսի Սուրբ ծննդյան օրը եզդիները՝ Հայաստանի ամենամեծ ազգային փոքրամասնությունը (60 հազար), նշում են մեծ շուքով: Ամեն տարի` ապրիլի 13-ից հետո առաջին չորեքշաբթի օրը, աշխարհի բոլոր եզդիները հավաքվում են իրենց հարազատների գերեզմաններում: Իրենց ավանդույթին հավատարիմ՝ տղամարդկանց և կանանց համար առանձին խնջույքի սեղաններ են բացում ու նշում իրենց տարեմուտի տոնը, որն այս տարի ապրիլի 18-ին էր: Նշենք, որ տոնի ժամանակ` եզդիերեն ռադիոհաղորդումների խմբագիր Հասան Թամոյանի կողմից ընթերցվեց Մալաքե Թաուսի տոնի կապակցությամբ ՀՀ Նախագահի շնորհավորական խոսքը:

Եզդիների ‘‘Նոր Տարի’’ – Չարշամա Սարսալե (բառացի նշ. Չարշամ` չորեքշաբթի, սարսալ` տարեսկիզբ): ՀՀ Կոտայքի մարզի Զովունի գյուղի, Ամո եզդիական թաղամասի գերեզմանատանը հավաքվել էին տարբեր մարզերից եկած մոտ 300-ից ավելի եզդիներ: Միջոցառմանը ներկա էին գտնվում ՀՀ Նախագահի խորհրդականի օգնական` Նարինե Գուլյանը, ՀՀ Կառավարության ներկայացուցիչներ` Բաքըր Սադումյանը, Շուշանիկ Սարատիկյանը: 


«Մեր ազգային ավանդույթը դարեր շարունակ պահելով՝ այս օրը մենք հավաքվում ենք գերեզմաններում, քանի որ առաջին հերթին շնորհավորում ենք մեր հանգուցյալների տոնը, այնուհետև` կենդանիների»,- ասում է Ազիզ Թամոյանը:
Ըստ եզդիական օրացույցի՝ այս տարի նրանց մոտ 6762 թվականն է: Եզդիների կրոնական հավատալիքների համաձայն՝ Մալաքե Թաուսը համարվում է եզդիների առաջնորդ հրեշտակը, ով 40 հրեշտակների գլխավորն է: «Այսօր նրա ծննդյան օրն է, և նա այցելում է իր ժողովրդին, թեև անտեսանելի է, բայց մեր կրոնական օրենքներով մեզ հետ է»,- ասում է Թամոյանը:

60-անց Զինե Ավդալյանը նշում է, որ այս տոնին իրենք ուտում են տավարի և գառի միս, իրենց ավանդույթներից ելնելով, խոզի միս ընդհանրապես արգելվում է ուտել: «Գերեզմանում նշելուց հետո տոնը շարունակում ենք տներում»,- ասում է Զինա Ավդալյանը ու շրջվում իր սեղանին կից նստած հարևանների կողմը՝ եզդիերեն լեզվով շարունակելով զրույցը: Տոնի կարևոր ծիսակատարություններից մեկը կլոճի բաժանումն է: Այն կլոր քաղցր գաթա է, որի մեջ դնում են ուլունք և, կլոճը կտրելիս, ում ընկնում է այդ ուլունքը, համարվում է այդ տարվա հաջողակը: Եվ ահա այս տարի այն բաժին հասավ քիք-բոքսինգ մարզաձևում հանդես եկող, աշխարհի գավաթակիր Սուրիկ Հաջոյանին:

Ամբողջ աշխարհում ապրում է 3 մլն եզդի, որից միայն 1 մլն 300 հազարը` Իրաքի հյուսիսում: Նրանց դրոշը կարմիր և սպիտակ գույնի է, դրոշի վերին ձախ անկյունում պատկերված արևը, որը խորհրդանշում է նրանց` որպես արևապաշտ ժողովրդի, իսկ արևի միջի սիրամարգը Սուրբ Մալաքե Թաուս հրեշտակապետի խորհրդանշանն է:

---------------------------------------------------------------------------------

Եզդիների ազգային միության նախագահ պր. Ազիզ Թամոյանի շնորհավորական խոսքը Եզդի ժողովրդին



Սիրելի իմ ժողովուրդ
Սրտանց շնորհավորում եմ ձեզ`  Մալաքե Թաուսի - Եզդիների Նոր Տարվա կապակցությամբ: Ուզում եմ նշել, որ անցած այս մեկ տարին բավականին հաջողություններ ունեցանք` կապված ազգապահպանության հետ, ինչն ինձ համար շատ ուրախալի է: Ցանկանում եմ շնորհավորանքի խոսքեր գտնել ժողովրդիս աստեղային ժամի համար, ազգային զարթոնքի, միահամուռ կամքի, միասնության և միաբանության, իր ինքնաճանաչման գիտակցությամբ դարի ճակատին արձանագրելու, կորցրածը ետ բերելու համար: ժողովուրդ, որը տեսել է բավականին շատ դառնություններ, 72 անգամ ցեղասպանության ենթարկվելով, կարողացել է պահպանել իր բոլոր ավանդույթները: Կրկին անգամ շնորհավորելով բոլոր եզդիներին, մաղթում եմ սպասելիքների ու ցանկությունների իրականացում, հաջողություններ, խաղաղություն, երջանկություն եւ բարօրություն ձեր ընտանիքներին:

Բըմբարակվա Չարսամա Սարսալե – Շնորհավոր Տարեսկզբի Չորեքշաբթի

Tuesday, April 3, 2012

Велики твои, Господи, промыслы!

Велики твои, Господи, промыслы! 


Велики твои, Господи, промыслы!
Безграничны твои чудеса. 
Пусть же эти хвалебные повести
Освещают святые глаза. 
Лишь по воле Хуаде мы рождаемся,
И по воле – уходим с пути. 
Мы грешим, но, как прежде, стараемся
Вместе с истиной в сердце идти. 
Каждый год по завету небесному 
Наступает прекрасный адар.
Он сливается с птичьими песнями. 
Он – весны молодеющей дар. 

Разливаются реки шумящие, 
И ручьи чистой лентой текут. 
И природу весенне-звенящую 
Пробуждения новые ждут. 
Лишь весной к нам идет пробуждение. 
И зима собирается прочь.
И Господне грядет провидение – 
Отмечаем мы Сарсале Клоч. 
Чтоб деревья проснулись унылые, 
И земля приоделась в луга. 
И лучи в облаках желтокрылые 
Растопили седые снега. 

Есть обычай народа езидского- 
Мы печем наш священный пирог. 
И родному, и по сердцу близкому 
Отдаем мы заветный кусок. 
А хозяйка, как издавна водится, 
Будет бусинку в клоч наш кидать. 
Кто найдет – у того все исполнится, 
И прибудет к нему благодать. 

Наш кулич мы разделим, как в древности. 
Половину – оставим родным. 
А другую – в честь веры и верности 
Отдаем мы по праву святым. 
Мы с рожденья до трепетной старости 
Имена их священные чтим. 
Просим мудрости, милости, радости 
На житейском тяжелом пути. 

Автор: Анастасия Шаклеина
Езидская група ''КАНИА СПИ''

«Մատիտով» նկարչական մրցույթ ցուցահանդես

«Մատիտով» նկարչական մրցույթ ցուցահանդես


«Սինջար» եզդիների երիտասարդական հասարակական կազմակերպությունը  մշակույթի նախարարության աջակցությամբ Ազգային փոքրամասնությունների կենտրոնում այսօր կազմակերպել էր 3-14 տարեկան եզդի երեխաների նկարների ցուցահանդես։
«Մենք նկատեցինք, որ եզդիների մեջ կան օժտված երեխաներ և որոշեցինք բացահայտել նրանց, խրախուսել և օգնել համապատասխան կրթություն ստանալ։ Գուցե հաջորդ Լեոնարդո դա Վինչին մեզանի՞ց լինի...»,- հույս հայտնեց եզդիական «Սինջար» ՀԿ-ի նախագահ Բորիս Թամոյանը։


«Լավագույն միտք» անվանակարգին ներկայացվել էին երկու նկարներ։ Տասնմեկամյա Սուսաննա Կնյազյանը նկարում պատկերել էր իր երկրի՝ նախագահի երդման արարողությունը։ Նա բացատրեց, որ ցանկանում է, որ իրենք պետականություն ունենան և իրենց` եզդիների նախագահը երդում տա ազգի առաջ։ Այս անվանակարգում ներկայացված մյուս նկարը Արմինե Թամոյանինն էր, որտեղ պատկերված էին եզդիների և հայկական դրոշները՝ որպես բարեկամության խորհրդանիշ։

Եզդիների ազգային միությունը` ի դեմս նախագահ Ազիզ Թամոյանի ողջունում է նման կարգի միջոցառումները, որոնք նպաստում են եզդի ժողովրդի անվան, մշակույթի պահպանման գործում:

ՀՀ ՈՍՏԻԿԱՆԱՊԵՏԻ ԳԱՎԱԹԻ ԽԱՂԱՐԿՈՒԹՅՈՒՆ

ԱԶԳՈՒԹՅԱՄԲ ԵԶԴԻ ՔԻՔ-ԲՈՔՍՅՈՐԸ
ԿՐԿԻՆ ՀԱՂԹԱՆԱԿ Է ՏԱՆՈՒՄ

SURIK HAJOYAN

Ոստիկաններն ընդդեմ ՁԻԱՀ-ի և թմրամոլության: Այսօր «Դինամո» մարզադահլիճում անցկացվեց Քիք բոքսինգի Հայաստանի ոստիկանապետի գավաթի խաղարկությունը: 
Մրցաշարին մասնակցում էին երեք հարյուր պրոֆեսիոնալ ու սիրողական քիք-բռնցքմարտիկներ, որոնց մեջ կան մոտ 10 եզդի մարզիկներ: Այս տարի առաջին անգամ մրցաշարին մասնակցում է Ռուսաստանի հայերի միության հավաքականը: Մինչև 67 կգ քաշային կարգում փայլուն հաղթանակ է տանում ազգությամբ եզդի Սուրիկ Հաջոյանը` եզրափակիչում նոկաուտի ենթարկելով հակառակորդին:



Բացման արարողությանը ներկա է եղել ոստիկանապետ Վլադիմիր Գասպարյանը: ՀՀ Ոստիկանապետ Վ. Գասպարյանը իր խոսքում նշեց, որ վերջին շրջանում «Դինամո» մարզական ընկերությունը զգալիորեն ակտիվացել է, որտեղ մեծ է նաև ոստիկանության մարտական և ֆիզիկական պատրաստվածության բաժնի պետ Գառնիկ Հայրապետյանի ավանդը:

Friday, March 30, 2012

Ցուցահանդես նախարարությունում

2012թ. մարտի 30-ին ՀՀ սպորտի և երիտասարդության հարցերի նախարարությունում տեղի ունեցավ արտասահմանում  և Հայաստանի Հանրապետությունում գործող կազմակերպությունների ցուցահանդես:  Միջոցառմանը ներկայացված էին Ֆինլանդիայի, Ֆրանսիայի, Իտալիայի, Իռլանդիայի, Գերմանիայի, Լիտվայի, Լեհաստանի, Շվեդիայի, Շվեյցարիայի և այլ երկրների կազմակերպություններ: Ցուցահանդեսին ներկայացված էր նաև Եզդիների ազգային միություն կազմակերպությունը, որը ներկայացնում էր կազմակերպության գործունեությունը, նպատակները, ինչպես նաև արդյունքները (ազգային թերթ ''Էզդիխանա'' դպրոցական  1-8 դասարանների դասագրքեր, ազգային դրոշը,  եզդիների ազգային հերոսների պաստառ, ազգային տարազ և այլն):





Saturday, March 24, 2012

32-ամյա աղջկա դիակը գտել են տան նկուղում` կախված վիճակում. տանիքում կախվել է նաեւ 46-ամյա Խըդըրը

 32-ամյա աղջկա դիակը գտել են տան նկուղում` կախված վիճակում. տանիքում կախվել է նաեւ 46-ամյա Խըդըրը



Այսօր` մարտի 24-ին, տարբեր ժամերի ինքնասպանության դեպքեր են տեղի ունեցել Շիրակի եւ Արմավիրի մարզերում:


Ժամը 16:00-ի սահմաններում Շիրակի մարզի Ազատան գյուղում իր տան տանիքում կախվելու միջոցով ինքնասպանություն է գործել 46-ամյա Խըդըր Յուսուբյանը: Այս մասին NEWS.am-ի թղթակցի հետ զրույցում հայտնել են ոստիկանության լրատվության վարչությունից:

Մեր տեղեկություններով, Խըդըր Յուսուբյանը տառապում էր հոգեկան հիվանդությամբ:

Իսկ առավոտյան Էջմիածին քաղաքում 32-ամյա մի աղջիկ իրենց տան նկուղում դարձյալ ինքնասպանություն է գործել` կախվելու միջոցով:

Friday, March 23, 2012

74-ամյա կնոջը սպանել էր 23-ամյա համագյուղացին

ՀԱՆՑԱԳՈՐԾՈՒԹՅՈՒՆԸ   ԲԱՑԱՀԱՅՏՎԵԼ   Է


Ջրաշենում կատարված սպանությունը բացահայտված է,- այս մասին տեղեկացնում է ոստիկանության մամլո ծառայությունը։ Հիշեցնենք, որ մարտի 21-ին, ժամը 17.55-ին, անհայտ քաղաքացուց ոստիկանության Արտաշատի բաժնում ահազանգ էր ստացվել, որ Ջրաշեն գյուղի բնակիչ Թորգոմ Խուդոյանի տանը դիակ կա: Դեպքի վայր մեկնած օպերատիվ խումբը տան խոհանոցի հատակին հայտնաբերել էր տանտիրուհու՝ 74-ամյա Չինար Խուդոյանի դիակը` պարանոցի, կրծքավանդակի և որովայնի կտրած-ծակած վերքերի հետքերով:


Դեպքի վայրի զննությամբ հայտնաբերվել էր հանցագործության գործիք դանակը:
Հարուցվել էր քրեական գործ ՀՀ քրեական օրենսգրքի 104 հոդվածի 2-րդ մասի 5-րդ կետի հատկանիշներով:


Ոստիկանության ծառայողների հմուտ գործողությունների շնորհիվ հանցագործությունը շատ արագ բացահայտվեց. մարտի 22-ին, ժամը 19.10-ին, ոստիկանները բերման են ենթարկել Ջրաշեն գյուղի բնակիչ, 1989 թ. ծնված Գևորգ Սարգսյանին: Նա խոստովանել է, որ մարտի 21-ին, ժամը 15.00-ի սահմաններում, Չինար Խուդոյանին դանակահարել և սպանել է ինքը:


Սարգսյանի մոտ հայտնաբերվել է սպանությունից հետո Չինար Խուդոյանից հափշտակած և իրեղեն ապացույց հանդիսացող «Սամսունգ» բջջային հեռախոսը:
Գևորգ Սարգսյանը ձերբակալված է:
Նախաքննությունը շարունակվում է:
հղում`

Thursday, March 22, 2012

Երեկ կեսօրին Արարատի մարզի Ջրաշեն գյուղում ազգությամբ եզդի կնոջ դաժան սպանությունըն

ՍՊԱՆՈՒԹՅՈՒՆ


Սպանված կինը իր ամուսնու հետ Ջրաշենում ապրել է միայնակ, իսկ նրանց 5 զավակները երկար տարիներ է, ինչ Հայաստանում չեն բնակվում: Նրանց որդիներից մեկը բնակվում է Մոսկվայում, իսկ մյուս որդին և երկու աղջիկները բնակվում են Գերմանիայում, երրորդ աղջիկն էլ Ֆրանսիայում:

Մեր աղբյուրի փոխանցմամբ` տարբեր մարդկանց կողմից երկար ժամանակ է, ինչ այս ընտանիքի հասցեին սպառնալիքներ են հնչում:

Նշենք, որ սպանության ժամանակ 74-ամյա Չինար Խուդոյանին ամուսինը գտել է տանը` սպանված վիճակում, իսկ թե ով կարող է լինել այս սպանության հետևում` առայժմ պարզ չէ:
Սպանելուց հետո հանցագործը նամակ է թողել, որտեղ հայտնել է, որ սպանությունը եղել է նրանց որդու` Ռուբենի պատճառով, ով բնակվում է Գերմանիայում և կուտակված խոշոր չափի պարտքեր ունի: Գրության մեջ մասնավորապես ասվում է. «Էս քո տղու համար: Ինքը տարավ մեր փողերը: Ես էլ խլեցի քո կյանքը: Հաջորդը մարդդ աե :

Նշենք, որ Ռուբեն Խուդոյանը գտնվում է հետախուզման մեջ՝ մի շարք խարդախություններ կատարելու կասկածանքով:

Ի դեպ Slaq.am-ի տեղեկություններով սպանվածի ամուսինը` Թորգոմ Խուդոյանը, ՀՀ նախագահին առընթեր ազգային փոքրամասնությունների անդամ է հանդիսանում:
Փաստի առթիվ ոստիկանության քննչական գլխավոր վարչության Արարատի քննչական բաժնում հարուցվել է քրեական գործ՝ ՀՀ քրօր.-ի 104 հոդվածի 1-ին մասի (սպանություն) հատկանիշներով:

Դեպքի մասին այլ մանրամասներ կհաղորդենք ավելի ուշ:

Լուսանկարները՝ Գագիկ Շամշյանի
Հղում`

Նոր մանրամասներ Ջրաշենի դաժան սպանությունից
 
 
 
 

 Yezdistan.com-ը իր ցավակցությունն է հայտնում Չինար Խուդոյանի ընտանիքին

Monday, March 19, 2012

Եզդիների ազգային տոների, պատմության, կենցաղի, ավանդույթների և այլնի մասին Խդր Հաջոյանի ելույթներն Դար 21 և Արմենիա հեռուստաընկերություններում

Եզդիների ազգային տոների, պատմության, կենցաղի, ավանդույթների և այլնի մասին Խդր Հաջոյանի ելույթներն Դար 21 և Արմենիա հեռուստաընկերություններում



Armenia TV - կենդանի մատյան հաղորդում, թեման` ազգային փոքրամասնություններ


Dar-21 TV - Դարի գիշեր հաղուրդում` նվիրված եզդիներին








Sunday, March 11, 2012

ԵԶԴԻ ԾԱՆՐԱՄԱՐՏԻԿԸ

ԵԶԴԻ ԾԱՆՐԱՄԱՐՏԻԿԸ


Rubik Mamoyan
Ազգությամբ եզդի ծանրամարտիկ Ռուբիկ Սամանդի Մամոյանը ծնվել է 1989 թ. նոյեմբերի 1-ին: Ռուբիկ Մամոյանը սկսել է ծանրամարտով զբաղվել 13 տարեկանից, Հայաստանի բազմակի չեմպիոն է: Հանդես է գալիս Հայաստանի Հանրապետության դրոշի ներքո:

2005 թվականից մասնակցում է միջազգային խոշոր մրցաշարերի: 2006 թ. ՀՀ Կառավարության առընթեր ֆիզիկական կուլտուրայի և սպորտի պետական կոմիտեի կողմից իրեն տրվել է Հայաստանի Հանրապետության սպորտի վարպետի, այնուհետև ՀՀ սպորտի և երիտասարդության հարցերի նախարարի 16.12.2010թ. 125-Ա/1 հրամանով շնորհվել է ՀՀ միջազգային կարգի սպորտի վարպետի կոչում:



2005 թ. Բուլղարիայում տեղի ունեցած ծանր­­ամարտի Եվրոպայի պատ­անեկան առաջնությունում գրավել արծաթե մեդալ, 2006 թ. Շվեդիայում երկամարտի արդյունքում նվաճում է արծաթե մեդալ, իսկ 2009 թ. պոկում վարժությունում նվաճում է ոսկե, հրում և երկամարտի արդյունքում` արծաթե մեդալ: 2010 թ. Կիպրոսում ծանրամարտի մինչև 23 տարեկանների Եվրոպայի առաջնությունում 62 կգ քաշային կարգում նվաճել է 2 արծաթե և 1 բրոնզե մեդալ, երկամարտում ցույց տալով 270 կգ:
2010 թ. ծանրամարտի աշխարհի համալսարանական առաջնությունում գրավում է առաջին պատվավոր տեղը:




2011 թ. Ռումինիայում տեղի ունեցած ծանրամարտի մինչև 23 տարեկանների Եվրոպայի առաջնությունում նվաճում է արծաթե մեդալ:

Իր հետ զրույցում, Ռուբիկ Մամոյանը ասեց. «հպարտ եմ, որ եզդի եմ, մեր եզդի ժողովրդին ցանկանում եմ համախմբվածություն, սեր, երջանկություն, առողջություն, աշխարհին` խաղաղություն: Հորդորում եմ զբաղվել սպորտով, ինչպես նաև առիթից օգտվելով շնորհակալությունս հայտնել ՀՀ ազգային օլիմպիական կոմիտեի նախագահ պ-ն Գագիկ Ծառուկյանին, Հայաստանի ծանրամարտի ֆեդերացիայի նախագահ Սամվել Խաչատրյանին, ֆեդերացիայի գլխավոր քարտուղար Փաշիկ Ալավերդյանին,  ինչպես նաև իմ անձնական մարզիչ Ֆելիքս Ալիևին»:

Saturday, March 10, 2012

«ԲԱԶՄԱԶԱՆՈՒԹՅՈՒՆ» ՆԱԵՎ ՄԱՐԶԵՐՈՒՄ

«ԲԱԶՄԱԶԱՆՈՒԹՅՈՒՆ» ՆԱԵՎ ՄԱՐԶԵՐՈՒՄ  

«Այնտեղ, որտեղ դու թերանում ես քո պարտականությունները կատարելիս՝ խաղտվում են քո իրավունքները»,- այս միտքը հայտնեց մարտի 10-ին «Մենք հանուն քաղաքացիական հավասարության» հասարակական կազմակերպության կողմից ՀՀ Տավուշի մարզի Իջևան քաղաքում կազմակերպված «Մարդու իրավուքներ և բազմազանություն»  թեմայով սեմինարին ներկաներից մեկը՝ մանկավարժ Մարիետա Սահակյանը:
Սեմինարը անցկացվում էր «Երիտասարդ Տավուշ» հասարակական կազմակերպության գրասենյակում՝ իրենց կամավորների, Իջևանի ակտիվ քաղաքացիների, երիտասարդների, հետաքրքրասեր և հոգով երիտասարդների համար:

  

Երեք ժամյա սեմինարի ժամանակ խոսքով հանդես եկան «Մենք հանուն քաղաքացիական հավասարության» ՀԿ-ի նախագահ Կարեն Բադալյանը և հասարակական կազմակերպության այն կամավորները՝ ովքեր սույն թվականի հունվար ամսին կազմակերպության կողմից իրականացրած մեկ այլ՝ եռօրյա սեմինարի՝ «Մարդու իրավունքներ և բազմազանություն»  մասնակիցներն էին:

Կամավորները կիսվեցին իրենց տպավորություններով, փորձով  և «Մարդու իրավունքների» վերբերյալ իրենց ունեցած գիտելիքներով և դրանց նպատակային ու ճիշտ կիրառման մասին:
Կամավորների թվում էր նաև ազգությամբ եզդի՝ «Եզդիների ազգային միության» առաջին տեղակալ Խդր Հաջոյանը:   Նա ներկայացրեց եզդի ազգի պատմությունը,  ավանդույթները և սովորույթները, ինչպես նաև «Եզդիների ազգային միության» (ի դեմս նախագահ Ազիզ Թամոյանի) գործունեությունը:
Սեմինարը ընթանում էր մասնակիցների ակտիվ, անմիջական ու բուռն քննարկումներով՝ համեմված իրենց անձնական օրինակներով:


Լիանա Հովհաննիսյան

PLEASE LIKE

Share

Twitter Delicious Facebook Digg Stumbleupon Favorites More