ԵԶԴԻ ԾԱՆՐԱՄԱՐՏԻԿԸ

ԵԶԴԻ ԾԱՆՐԱՄԱՐՏԻԿԸ

Rubik Mamoyan

Ազգությամբ եզդի ծանրամարտիկ Ռուբիկ Սամանդի Մամոյանը ծնվել է 1989 թ. նոյեմբերի 1-ին: Ռուբիկ Մամոյանը սկսել է ծանրամարտով զբաղվել 13 տարեկանից, Հայաստանի բազմակի չեմպիոն է: Հանդես է գալիս Հայաստանի Հանրապետության դրոշի ներքո:

2005 թվականից մասնակցում է միջազգային խոշոր մրցաշարերի: 2006 թ. ՀՀ Կառավարության առընթեր ֆիզիկական կուլտուրայի և սպորտի պետական կոմիտեի կողմից իրեն տրվել է Հայաստանի Հանրապետության սպորտի վարպետի, այնուհետև ՀՀ սպորտի և երիտասարդության հարցերի նախարարի 16.12.2010թ. 125-Ա/1 հրամանով շնորհվել է ՀՀ միջազգային կարգի սպորտի վարպետի կոչում:

2005 թ. Բուլղարիայում տեղի ունեցած ծանր­­ամարտի Եվրոպայի պատ­անեկան առաջնությունում գրավել արծաթե մեդալ, 2006 թ. Շվեդիայում երկամարտի արդյունքում նվաճում է արծաթե մեդալ, իսկ 2009 թ. պոկում վարժությունում նվաճում է ոսկե, հրում և երկամարտի արդյունքում` արծաթե մեդալ: 2010 թ. Կիպրոսում ծանրամարտի մինչև 23 տարեկանների Եվրոպայի առաջնությունում 62 կգ քաշային կարգում նվաճել է 2 արծաթե և 1 բրոնզե մեդալ, երկամարտում ցույց տալով 270 կգ:

2010 թ. ծանրամարտի աշխարհի համալսարանական առաջնությունում գրավում է առաջին պատվավոր տեղը:

2011 թ. Ռումինիայում տեղի ունեցած ծանրամարտի մինչև 23 տարեկանների Եվրոպայի առաջնությունում նվաճում է արծաթե մեդալ:

Իր հետ զրույցում, Ռուբիկ Մամոյանը ասեց. «հպարտ եմ, որ եզդի եմ, մեր եզդի ժողովրդին ցանկանում եմ համախմբվածություն, սեր, երջանկություն, առողջություն, աշխարհին` խաղաղություն: Հորդորում եմ զբաղվել սպորտով, ինչպես նաև առիթից օգտվելով շնորհակալությունս հայտնել ՀՀ ազգային օլիմպիական կոմիտեի նախագահ պ-ն Գագիկ Ծառուկյանին, Հայաստանի ծանրամարտի ֆեդերացիայի նախագահ Սամվել Խաչատրյանին, ֆեդերացիայի գլխավոր քարտուղար Փաշիկ Ալավերդյանին,  ինչպես նաև իմ անձնական մարզիչ Ֆելիքս Ալիևին»:

Read More

Սպորտ` Քիք-բոքսինգ

Սուրիկ Հաջոյան

Սուրիկ Հաջոյանը, ով 6 տարեկանից զբաղվում է քիք-բոքսինգով, իր հաղթանակների գրավականը համարում է ցանկությունը և սերը մասնագիտության հանդեպ: Հետագայում զբաղվել է Շիդոկան կարատեով` դառնալով <<միջազգային առաջնության>> չեմպիոն, չնայած, որ Հայաստանի Հանրապետության դրոշի տակ էր հանդես գալիս, սակայն հաղթանակի ժամանակ ձեռքին հպարտությամբ թափահարում է եզդիների ազգային դրոշը:

Հետագայում նա ուղին շարունակեց քիք-բոքսինգում: Անցյալ տարի սեպտեմբերի 25-26-ին  2009 թվականին այն ակումբը, որտեղ նա հանդես է գալիս`  <<ԼԻՈՆ>>  մարզիչ Ամար Թամոյան (միջազգային կարգի վարպետ), դառնում է Հայաստանի լավագույն ակումբ 2009:

Սուրիկը վերջերս հունիսի 21-27-ը Հունաստանի Ալեքսանդրապոլիս քաղաքում տեղի ունեցած <<Աշխարհի առաջնությանը>> գրավում է 3-րդ մրցանակային տեղը` հաղթելով լիբանանցի, գերմանացի, կուբացի մարզիկներին, սակայն վերջում վնասվածքի պատճառով պարտություն է կրում ուկրաինացի մարզիկից: http://wpka.wwwlb.net/images/wc.2010-lightresult.pdf

Հուլիսի 17-18-ին դինամո մարզադահլիճում տեղի ունեցավ քիք-բոքսինգի <<ՀԱՅԱՍՏԱՆԻ ԱՌԱՋՆՈՒԹՅՈՒՆ>>, որին մասնակցում էին տարբեր մարզերից եկած մարզիկներ: Սուրիկ Հաջոյանը կրկին ապացուցեց, որ իր քաշային կարգում միակն է` հաղթելով չորս մարզիկներին դառնում է Հայաստանի բազմակի չեմպիոն:

Այն փաստը, որ նա ազգությամբ եզդի է, նա հպարտությամբ ասում է Մլըտե մըն էզդի, զըմանե մըն էզդիկի, դինե մըն Շըրֆըդին (ազգությունս եզդի, լեզուս եզդիերեն, կրոնս Շարֆադին):

Զրույցի ընթացքում պարզվեց, որ նա Սահիդ Թամոյանի որդին է, ով մասնակցել է Արցախյան հերոսամարտին: Հայրիկի թողած նամակում գրված այն խոսքերը. <<թող որդիս ինձ նման դառնա առյուծ>>, նա նվիրումով իրականացնում է  հայրիկի ցանկությունը:

Read More