NATIONAL MINORITIES OF ARMENIA

 NATIONAL MINORITIES OF ARMENIA

From Yezidi Community Mame Amiryan

Read More

Եզդիների կրթամշակութային կյանքը Հայաստանում ակտիվանում է

Եզդիների կրթամշակութային կյանքը Հայաստանում ակտիվանում է

«Եզդիերեն գրքերը մեզ լուսավորություն են բերելու: Մենք լուսավորություն ենք ուզում տարածել, բոլոր եզդիները պետք է լիարժեք տիրապետեն իրենց մայրենի լեզուն» - այսօր լրագրողների հետ հանդիպման ժամանակ անդրադառնալով ՀՀ կառավարության աջակցությամբ եզդիների համար մայրենի լեզվի դասագրքերի լույս տեսնելուն, ասաց Աշխարհի եզդիների միության նախագահ Ազիզ Թամոյանը:

Ա. Թամոյանի համոզմամբ՝ առաջին անգամ է, որ եզդիների կրթա-մշակութային կյանքը ակտիվանում է իրենց 2-րդ հայրենիքում՝ Հայաստանում, և նշեց, որ ՀՀ կառավարության աջակցությամբ հրատարակվել են եզդիերեն այբենարան, ինչպես նաև մինչև 9-րդ դասարանի աշակերտների համար նախատեսված դասագրքեր, իսկ ուսուցման ծրագիրն այս տարի ամբողջությամբ ներդրվել է եզդիական դպրոցներում:

Նրա խոսքով, ըստ կրթության և գիտության նախարարության հետ ունեցած պայմանագրերի, պետք է հետագայում հրատարակվեն 10 և 11-րդ դասարանների համար նախատեսված դասագրքեր: Ա. Թամոյանը գոհունակություն հայտնեց, որ 37 գյուղերում դասավանդվում են եզդիերեն լեզուն, պատմությունը, մշակույթը: Միևնույն ժամանակ նա ցանկություն հայտնեց, որ Հայաստանի 93 գյուղերի եզդի աշակերտները ևս նման հնարավորություն ունենան:

Աշխարհի եզդիների միության նախագահն իր խոսքում խորին շնորհակալություն հայտնեց հայ ժողովրդին, կառավարությանը և ՀՀ նախագահին՝ եզդիներին աջակցելու և օժանդակալու համար: Ա. Թամոյանը ընդգծեց հայերի և եզդիների միջև դարավոր անկեղծ բարեկամության փաստը և որ երկու ժողովուրդների պատմության էջերում որևէ սև էջ չի արձանագրվել:

«Իմ հրամանատարությամբ 500 եզդիների հետ միասին մասնակցել ենք Ղարաբաղյան պատերազմին: Ունեցել ենք 30-ից ավելի զոհ: Հայաստանը մեր հայրենիքն է, մենք պարտավոր ենք հայրենիքին: Նույն պատրաստակամությամբ Սպիտակի երկրաշարժի ժամանակ 100 հոգով կազմակերպեցինք և տասնյակ հայրենակիցների օգնեցինք դուրս բերել փլատակների տակից»,- նշեց Ա.Թամոյանը՝ հավելելով, որ Հայաստանում երբեք եզդիները որևէ խորթություն չեն տեսել, և միշտ երկու ժողովուրդներով օգնել են միմյանց:

http://www.panorama.am/am/society/2012/10/06/tamoyan/

Read More

«Երկնքից երեք խնձոր ընկավ…» «Ьж ә'змaнa се сев Һaтьнә xaре»

«Երկնքից երեք խնձոր ընկավ…» հեքիաթասացության եւ բարբառի 4-րդ փառատոնի եզրափակիչ փուլը կանցկացվի սեպտեմբերի 28-ին, 29-ին և 30-ին Հովհաննես Թումանյանի թանգարանում: Եզրափակիչի առաջին օրը ելույթ կունենան 13 մասնակից, երկրորդ օրը` 12, իսկ ահա վերջին օրը կլինի մրցանակաբաշխությունը: Փառատոնին կմասնակցեն բոլոր նրանք, ովքեր սիրում են պատմել իրենց տարածաշրջանի կամ նախնիների ծննդավայրի հեքիաթները եւ տիրապետում են բարբառի, քանի որ հեքիաթները պատմվելու են բացառապես բարբառներով:

Ինչպես  նշեց թանգարանի գիտաշխատող, փառատոնի համակարգող Անի Եղիազարյանը, փառատոնը կլինի յուրատեսակ ճանապարհորդություն դեպի Հայկական լեռնաշխարհ` Վան, Մուսալեռ, Լոռի, Բայազետ, Խոյ, Նոր Ջուղա, Շիրակ, Արցախ եւ այլն: Այս անգամ անմասն չեն մնացել նաեւ Հայաստանի Հանրապետությունում ապրող ազգային փոքրամասնությունները` ասորի, եզդի, հույն, ռուս, քուրդ, ուկրաինացի եւ հրեա, ովքեր կներկայացնեն իրենց ազգային բանահյուսական մշակույթը:

Եզդիական համայնքը կներկայացնի «Նայնա սարե կասե կասա, ուե բե սարե պըսե պըսա», այսինքն` երբևիցե վատություն մի արեք, երբևիցե վատ մի տրամադրվեք այլոց նկատմամբ, որպեսզի այն բումերանգի պես չվերադառնա դեպի ձեզ, եզդիական ժողովրդական հեքիաթը, որն գրի է առել Շավավե Շեխ Տայարեն:

Read More

Եզդիների ազգային միության նախագահը շնորհավորում է Հայաստանի անկախության օրը

Եզդիների ազգային միության նախագահը շնորհավորում է Հայաստանի անկախության օրը

Եզդիների ազգային միության նախագահ Ազիզ Թամոյանը շնորհավորում է Հայաստանի Հանրապետության անկախության 21րդ տարելիցը և ի փառս Հայ և Եզդի ժողովուրդների դարավոր բարեկամության, լավագույն մաղթանքներն է հղում ու հաջողություն ցանկանում Հայ ժողովրդին:

-----------------------------------------------------------------------------------------------

Президент Национального Союза Езидов

поздравляет  день независимости Армении

Президент Национального Союза Езидов Азиз Тамоян поздравляет 21-ой годовщине независимости Республики Армения и во славу древней  дружбы Армянского и Езидского народа, пожелает крепкого здоровья, всего наилучшие  Армянскому народу, помощи Всевышнего в ответственных трудах, a всем жителям Армении — благополучия и процветания.

Read More

Բանավեճ կրոնական հանդուրժողականության թեմայով

ԲԱՆԱՎԵՃ ԿՐՈՆԱԿԱՆ
 ՀԱՆԴՈՒՐԺՈՂԱԿԱՆՈՒԹՅՈՒՆ
ԹԵՄԱՅՈՎ

ՄԱԿ-ի Գլխավոր ասամբլեան փետրվարի առաջին շաբաթը հռչակել է Միջկրոնական ներդաշնակության համաշխարհային շաբաթ: Այս առիթով փետրվարի 8-ին ՄԱԿ-ի երևանյան գրասենյակում կազմակերպվել էր քննարկում-բանավեճ`կրոնական հանդուրժողականության թեմայով: 

Բանավեճը վարում էր Հայաստանի հելսինկյան կոմիտեի նախագահ Ավետիք Իշխանյանը: Քննարկմանը մասնակցում էին 60-ից ավելի երիտասարդներ,որոնց մեջ կային տարբեր կրոնական կազմակերպությունների, ինչպես նաև ազգային փոքրամասնությունների ներկայացուցիչներ: Ավետիք Իշխանյանի գնահատմամբ`կրոնական հանդուրժողականության թեման Հայաստանում շատ հրատապ է, անհանդուրժողականության այս մթնոլորտը կարող է վտանգավոր լինել և նույնիսկ նպաստել ազգի պառակտմանը,կարծում է իրավապաշտպանը:

«Տպավորությունս այնպիսին է, որ այն ճանապարհը, որ անցել է Եվրոպան մինչև 20-րդ դար,մենք կարծես թե նոր ենք անցնում այդ ճանապարհը, սա արդեն նման է խորը միջնադարին,խավարին, որտեղ մարդկանց ստիպում էին հավատալ միայն մի բանի, հավատաքննություն էր իրականացվում: Իհարկե, ժամանակները փոխվել են, հիմա խարույկի վրա  որևէ մեկին չեն բարձրացնում,բայց, ըստ էության, այդ հալածանքներն ու բանավոր խոսքը նույնպես կարող են շատ ուժեղ խոցել մարդկանց: Դա կարող է հիմք հանդիսանալ նաև արտագաղթի համար,արդյոք մենք դա պետք է թույլ տանք»,-նշում է Ավետիք Իշխանյանը:

Խդր Հաջոյան

Իսկ Եզդիների ազգային միության նախագահի առաջին տեղակալ Խդր Հաջոյանը նշում է, որ Հայաստանը թեև այն պետություններից է, որտեղ եզդի ազգի համար մշակույթի և կրոնական ոլորտում զարգացման մեծ հնարավորություններ են ընձեռվել,սակայն խտրականության դեպքեր, այնուամենայնիվ, լինում են. «Խոսքը վերաբերում է ոչ այնքան կրոնական պատկանելությանը, այլ այն  կարծրատիպերին, որ  կան Հայաստանում եզդիների վերաբերյալ:  Եզդիների ազգային միությունը այժմ քայլեր է ձեռնարկում այդ կարծրատիպերը կոտրելու համար»:


ՄԱԿ-ի երևանյան գրասենյակի հանրային տեղեկատվության վարչության տեղեկատվության գծով պատասխանատու Արմինե Հալաջյանը նշում է, որ երիտասարդների հետ տարբեր թեմաներով նմանատիպ քննարկումներ նախատեսում են կազմակերպել նաև հետագայում:
հղում`
http://www.armhels.com/index.php?id=1739&menu1=13&menu2=13

Read More

ВСТРЕЧА

in Russian

ВСТРЕЧА

Serj Sargsyan and Aziz Tamoyan

В 2011 году 21 сентября в  день  Независимости Республики Армения на 20-й годовщине торжественной церемонии, которая состоялась в Государственной картинной галерее Армении, где приняло участие рукаводство Армении, во главе  Президента РА Сержа Саргсяна.

Состоялась встреча, разговор  с  Президентом  Республики Армения Сержа Саргсяна и Президентом Всемирного Национального союза езидов Азиза Тамояна.

А. Тамоян поздравил С. Саргсяна и Армянского народа с  восстановлением армянской государственности и 20-летия страны, в конце представил достижения Езидов и их проблемы.

-----------------------------------------------------------------------

in Armenian

ՀԱՆԴԻՊՈՒՄ

2011 թ. սեպտեմբերի 21-ին` Հայաստանի Հանրապետության անկախության 20-րդ ամյակի հանդիսավոր արարողության ժամանակ, որը տեղի ունեցավ Հայաստանի պետական պատկերասրահում, որին իր մասնակցությունը բերեց ՀՀ ղեկավարությունը` ՀՀ նախագահ պր. Սերժ Սարգսյանը:

Հանդիպում, զրույց տեղի ունեցավ ՀՀ նախագահ Ս. Սարգսյանի և Աշխարհի Եզդիների ազգային միության նախագահ Ազիզ Թամոյանի միջև: 

Վերջինս շնորհավորելով ՀՀ նախագահ Ս. Սարգսյանին և հայ ժողովրդին հայոց պետականության վերականգնման 20-ամյակը, միաժամանակ Հանրապետության ղեկավարին ներկայացրեց Հայաստանի եզդի համայնքի ձեռքբերումներն ու խնդիրները:

Read More

Մարդու իրավունքներ և բազմազանություն

«Մարդու իրավունքներ և բազմազանություն»

''Մենք հանուն քաղաքացիական հավասարության''ՀԿ-ն հունվարի 20-ից 26-ը Ծաղկաձորում կազմակերպեց ''Մարդու իրավունքներ և բազմազանություն'' խորագրով դասընթացների շարք երիտասարդների համար: Դասընթացները իրականացվում էին'' Երիտասարդների երկխոսություն հանուն բազմազանության'' ծրագրի շրջանակներում, որը ֆինանսավորվում է Նիդեռլանդների Թագավորության Արտաքին գործերի նախարարության կողմից: Այս ծրագրի նպատակն է ինտեգրել Հայաստանում բնակվող փոքրամասնությունների խմբերին հայ հասարակություն, նրանց քաջալերել դառնալու հասարակական կյանքի ակտիվ մասնակցիներ, ինչպես նաև փոքրամասնություններ ներկայացնող երիտասարդների շրջանում տարածել մարդու իրավունքների և հիմնարար ազատությունների արժեքներն ու գաղափարները:

Խդր Հաջոյան

Եզդիական համայնքը, որպես Հայաստանում բնակվող էթնիկ փոքրամասնություն` թվով ամենամեծը Հայաստանի Հանրապետությունում գրանցված մյուս ազգային փոքրամասնություններից,
նույնպես ներկայացված էր նշված դասընթացին` ի դեմս երեք եզդի ներկայացուցիչների` Խդր Հաջոյան, Մուրազ Շամոյան և Ալեքսանդր Մամոյան: Դասընթացների օրակարգում առանձնահատուկ տեղ էր հատկացված եզդիական համայնքի խնդիրների, կարիքների լուսաբանմանը և մյուս մասնակիցների շրջանում այս էթնիկ փոքրամասնության վերաբերյալ ընդհանուր պատմա-մշակութային տեղեկացվածության բարձրացմանը: Հատուկ այս նպատակով կազմակերպվեց առանձին սեմինար-վարժանք, որը վարում էր ''Եզդիների ազգային միությունը'' նախագահի առաջին տեղակալ Խդր Հաջոյանը: Նա իր համապարփակ ելույթում ներկայացրեց ''Եզդիների ազգային միությունը'', նրա գործունեությունը, եզդիական համայնքի մշակույթն ու ավանդույթները, կրոնն ու ծագումնաբանությունը, առկա խնդիրներն ու մտահոգությունները: 

From right Tatevik Khachatryan,
Muraz Shamoyan and Karen  Badalyan

In center Alexandr Mamoyan

Մասնակիցները շատ հետաքրքրված էին լսելու եզդի ազգի պատմությունը: Շատերն անկեղծ խոստովանեցին, որ բազմիցս լսել են եզդիների մասին, հանդիպել փողոցում, հարևանությամբ, տարբեր այլ միջավայրերում, սակայն առիթ չեն ունեցել ծանոթանալու նրանց մշակույթին և պատմությանը: Մեկ անգամ ևս խոսվեց հայ և եզդի ազգերի բարեկամության և եղբայրության մասին, ինչպես նաև համագործակցության անհրաժեշտության վերաբերյալ` հանուն երկրում առկա խնդիրների համատեղ լուծման: Բացի այդ, ծրագրի գաղափարախոսությունն էր հասարակությունում բազմազանության ապահովումը, որտեղ մարդկանց տարբեր խմբեր ազատ վայելում են իրենց իրավունքներն ու անխոչնդոտ իրագործում են իրենց պարտականությունները` անկախ ազգային պատկանելիությունից, կրոնական համոզմունքներից, սեռից, գենդերից և այլն:

Ներկա էին ներկայացուցիչներ նաև լեհական, ուկրաինական, հունական, հրեական և այլ համայնքներից: Հրավիրվել էին նաև մարդու իրավունքների կամ հարակից ոլորտներում աշխատող երիտասարդ մասնագետներ, որոնք իրենց ուրույն ներդրումն ունեցան քննարկումներում:

Դասընթացի ընթացքում քննարկվում էին մարդու իրավունքների զարգացման նախադրյալներն ու ուղղությունները, մասնակիցները դասընթացավարի օգնությամբ վերլուծեցին Մարդու Իրավունքների Համընդհանուր Հռչակագիրը և դրանում ամրագրված իրավունքներն ու նրանց գործնական կիրառումը մեր կյանքում: Դիտարկվեց մի շարք միջազգային կառույցներ ու կազմակերպություններ, որոնք կարևոր դեր են կատարում մարդու իրավունքների մշակման, զարգացման և պաշտպանության գործում: Որպես թեմատիկ հանձնարարություն տրվեցին վարկածային իրավիճակներ, որոնք մասնակիցները պետք է վերլուծեին` հիմնվելով ուսումնասիրած մարդու իրավունքների և օրենքների հիման վրա:

Հրավիրված էին նաև կրոնական բազմազանության ոլորտի փորձագետներ, ինչպես նաև ներկայացուցիչներ քաղաքացիական հասարակության ոլորտից, օրինակ` ''Երիտասարդական Բանկ'', ''Հայ առաջադեմ երիտասարդություն'' ՀԿ, որոնք աշխատում են Հայաստանում ազգային և էթնիկ փոքրամասնությունների համայնքների հետ:

Մասնակիցներն ունեցան նաև հետաքրքիր և բազմաբովանդակալից ժամանց և հագեցած օրեր, որն ուղղված էր խմբի անդմաների հարաբերությունների ամրապնդմանն ու նրանց փոխինտեգրմանը:

Դասընթացի վերջում որոշվեց, որ մասնակիցները պետք է հանդես գան մարդու իրավունքների ոլորտում համատեղ նախաձեռնությամբ` նպատակ ունենալով կրթել իրենց հասակակիցներին, տարածել մարդու իրավունքների գաղափարներն ու համընդհանուր արժեքները: Հատուկ այդ նպատակով, խումբը որոշում կայացրեց Հայաստանի մարզերի երիտասարդների շրջանում կազմկակերպել մարդու իրավունքների մասին իրազեկվածության բարձրացմանն ուղղված միջացառումներ: 

Եռօրյա դասընթացից հետո մասնակիցները բաժանվեցին մեծ տպավորություններով, դրական լիցքերով և, անշուշտ, գիտելիքների ու հմտությունների մեծ պաշարով:

Մեծ էր նաև կազմակերպիչների ոգևորությունը` տեսնելով ակնհայատ ձեռքբերումները: Բայց մեր համար առավել կարևոր էր նրանց տպավորությունները եզդիական համայնքից: Մեր այս հարցին ''Մենք հանուն քաղաքացիական հավասարության''ՀԿ-ի նախագահ Կարեն Բադալյանը պատասխանեց.

«Գաղտնիք չէ, որ եզդիական համայնքը, ինչպես նաև Հայաստանում բնակվող մյուս ազգային և էթնիկ փոքրամասնությունները, ունեն բազում խնդիրներ, սակայն հուսադրող փաստն այն է, որ այսօր համայնքի ներսում կան ընդգծված երիտասարդ առաջնորդներ, և նրանց սերունդը նոր դրական փոփոխություններ ու բարելավումներ կբերի համայնքին, իսկ հետագայում նաև ողջ հայ հասարակության կյանքում»:

Կ. Բադալյանը հավելեց նաև, որ կարևոր է համագործակցությունը կազմակերպության և եզդի համայնքի` ի դեմս Եզդիների ազգային միության միջև, որը պետք է կրի շարունակական և կառուցողական բնույթ, քանի որ համատեղ ջանքերով միայն մենք կկարողանանք կառուցել հանդուրժող հայ հասարակություն` ներառված բազմազանության բոլոր արժեհամակարգով:


http://issuu.com/wfcengo/docs/youth_dialogue_2_issue

Read More