Եզդի բռնցքամարտիկը հանկարծամահ է եղել

Edo Tamoyan

Ազգությամբ եզդի Էդո Թամոյանը ծնվել է 1989 թվականի մարտի 8-ին Հայաստանում: Ընտանիքում ամենափոքրն էր: 1997 թ. ընտանիքով տեղափոխվում են Գերմանիայի դաշնային Հանրապետություն: Այնուհետև 4 տարի անց տեղափոխվում են Շվեդիա: Էդո Թամոյանը մեծացել է Շվեդիայի հարավ-արևմուտքում գտնվող Հալմսթադ քաղաքում: 2002 թ. սկսում է զբաղվել բռնցքամարտով, իր սկզբնական մարզիչը եղել է Մարիո Լանդոն` ով ստանում է ուղեղի կատված, ինչի պատճառով Էդո Թամոյանը շատ մեծ հիասթափություն է ապրում և ահագին ժամանակ ետ մնում մարզումներից: Ստեղծում է իր անհատական գործը: 

Edo Tamoyan awards

From right - Edo Tamoyan

From Left - Edo Tamoyan

Որից հետո  նա կրկին զբաղվում է բռնցքամարտով, մարզվում է նիգերիացի մարզիչ Ուգո Ուգոկուռոյի մոտ: Իր մարզիչ Ուգո Ուգոկուռոն իր կարծիքն է հայտնել նրա մասին ասել է. «նա ռինգում ցուցադրում եր իսկական մենամարտ և հանդիսատեսին գրավում էր իր խաղով»:

Էդո Թամոյանը սիրողական բռնցքամարտում ունեցել է 28 մենամարտ, որից 26-ը ավարտել է հաղթանակով և 2-ը պարտությամբ: Մեկ անգամ պարտություն կրելով Շվեդիայում հայտնի բռնցքամարտիկ Թոբիաս Փերսոնից, այնուհետև Էդո Թամոյանը պատասխան մենամարտերի ժամանակ եռակի անգամ հաղթանակ է տանում շվեդ բռնցքամարտիկ Թոբիաս Փերսոնից:

04.02.2007թ. Շվեդիայի առաջնության եզրափակիչ մենամարտում պարտություն կրելով Արամ Բահրամանդից, գրավելով երկրորդ տեղը: Երեք տարվա ընթացքում դառնում է Սկանդինավիայի լավագույն բռնցքամարտիկը: Իրեն իր բռնցքամարտի ակումբում հաճախ կոչում էին ‘’Պրինց Նասին’’ ով հայտնի բռնցքամարտիկ էր: Նա սիրված է եղել ոչ միայն իր ընտանիքի, այլև իր ուսուցիչների և ընկերների կողմից: Նա չափազանց բարի, օժտված էր մարդկային բոլոր լավ հատկանիշներով, օգնության ձեռք եր մեկնում բոլորին և վերջում նոր մտածում իր մասին, այդ իսկ պատճառով նա սիրված էր բոլորի կողմից: Էդո Թամոյանը այնուհետև իր ‘’HBS’’ ակումբից տեղափոխվում է ‘’HAIS’’ ակումբ: 

Էդո Թամոյանը մահացել է 01.01.2012 թ. Նոր տարվա առավոտյան ժամը 06:00-ին, նրա մայրը նրան գտնում է մահացած իր ննջասենյակում:  

http://www.yezdistan.com  կայքի ադմինիստրացիան հայտնում է խորին ցավակցությունները մեծարգո Թամոյանների ընտանիքին:

Read More

Գառնիկ Հայրապետյանը պարգևատրվեց ոսկե մեդալով

 Գառնիկ Հայրապետյանը

պարգևատրվեց ոսկե մեդալով

Այսօր բազմաթիվ եզդի մարզիկներ մեծ հաջողությունների են հասել տարբեր սպորտաձևերում: Նշենք, որ այժմ բազմաթիվ եզդիներ կան ովքեր զբաղվում են քիք-բոքսով, նրանցից շատերը հասել են բազում հաջողությունների: 2010 թ. Հայաստանի Հանրապետության լավագույն թիմն է ճանաչվել «Լիոն» ակումբը, որը ղեկավարում է ազգությամբ եզդի, աշխարհի բազմակի չեմպիոն Ամար Թամոյանը:      Ինչպես նաև «Լիոն» ակումբից Արթուր Մստոյանը, Սուրիկ Հաջոյանը  դարձել են միջազգային խոշոր մրցաշարերի հաղթող:

Garnik Hayrapetyan

Ազգությամբ եզդի մարզիկների սպորտային դաստիարակության և աջակցության համար իր ավանդն ունի ՀՀ Քիք-բոքսինգի ֆեդերացիայի նախագահ Գառնիկ Հայրապետյանը և ահա ՀՀ Եզդիների ազգային միության նախագահի 2011թ. դեկտեմբերի հրաման թիվ 30-ի համաձայն Եզդի մարզիկների դաստիարակության և բարձր արդյունքների ապահովման համար Գառնիկ Սաշայի Հայրապետյանին պարգևատրել «Հայաստանի Հանրապետության Եզդիների ազգային միության հերոս» ոսկե մեդալով: 

Հուշամեդալի հանձնման ժամանակ Եզդիների ազգային միության նախագահ պր. Ա. Թամոյանը ներկաներին նվիրեց «Եզդիների մասնակցությունը Ղարաբաղյան պատերազմում» հեղինակային գիրքը:

Read More

Ցավակցություն

ՑԱՎԱԿՑՈՒԹՅՈՒՆ

2010 թվականի հոկտեմբերի 28-ին Հայաստանի Հանրապետության մայրաքաղաք Երևանում տեղի ունեցավ ՀՀ Եզդիների ազգային միության նախագահության արտակարգ նիստ, նիստին ներկա էին գտնվում միության անդամները:

Խոր կսկիծով դիմում և ցավակցում ենք աշխարհի եզդիների ազգային միության նախագահ Ազիզ Թամոյանին, նրա եղբոր` Ահմադ Թամոյանի մահվան կապակցությամբ: Ահմադ Թամոյանը աշխատում էր եզդիների ազգային միությունում և իր ակտիվ մասնակցությունը բերեց Ղարաբաղյան պատերազմում, ազգային պատկանելության շարժմանը: 

Ահմադ Թամոյանի մահվան լուրը հաղորդում ենք համայն աշխարհի եզդիներին, Ձեզ ներկայացնում ենք Ահմադ Թամոյանի կենսագրությունից մի հատված` Ահմադ Թամոյանը ծնվել է 1934 թվականին Էջմիածնի շրջանի Ջրառատ գյուղում, ունի միջնակարգ կրթություն, ԽՍՀՄ- ի ժամանակ աշխատել է Կոտայքի մարզի Քանաքեռավանի և Զովաշենի կոլտնտեսություններում, որպես պահեստապետ,  ՀՀ անկախացումից հետո աշխատել է եզդիների ազգային միությունում 1991-ից մինչև իր կյանքի վերջ, որպես նախագահի խորհրդական, ինչպես կոլեկտիվում այնպես ել եզդիական և հայկական  համայնքներում մեծ հարգանք էր վայելում: Ահմադ Թամոյանը ուներ 10 զավակ, 6 տղա և 4 աղջիկ:

 Այսօր եզդիների ազգային միությունը կրկին խոր կսկիծով ցավակցում է եզդիների միության նախագահ Ազիզ Թամոյանին, Ահմադ Թամոյանի մահվան կապակցությամբ, նրա հիշատակը վառ կմնա մեր սրտերում:

Ահմադ Թամոյանը վախճանվել է 28.10.2010, հուղարկավորությունը տեղի կունենա իր բնակավայր ՀՀ կոտայքի մարզի Ամո եզդիական գյուղի գերեզմանատանը 30.10.2010 ժամը 13:00-ին:

Եզդիների Ազգային Միություն`              Հասան Թամոյան

            Խըդըր Հաջոյան

Read More