Եզդիների ազգային միության նախագահ Ազիզ Թամոյանը շնորհավորում է ՀՀ բանակի կազմավորման 21-րդ ամյակը

Եզդիների ազգային միության նախագահ Ազիզ Թամոյանը շնորհավորում է ՀՀ  բանակի կազմավորման 21-րդ ամյակը

Եզդիների ազգային միության նախագահ Ա. Թամոյանը շնորհավորում է բոլոր զինծառայողներին, սպաներին Հայոց բանակի 21-րդ տարելիցի կապակցությամբ: Նշելով,  որ այս տոնը շատ խորհրդանշական տոն է և ինչո՞ւ չէ, տոն է նաև Հայաստանաբնակ եզդիների համար, որոնք նույնպես ունեն իրենց լուման բանակի կայացման գործում: 

"Այսօր տարբեր զորամասերում ծառայում են նաև ազգությամբ եզդի զինվորներ, ովքեր նույնպես ջանք չեն խնայում պաշտպանելով մեզ` ՀՀ  քաղաքացիներիս: Նշեմ, որ հայերը և եզդիները լինելով դարավոր բարեկամ ժողովուրդներ, միշտ կանգնած են եղել կողք կողքի ու պայքարել ընդհանուր թշնամու դեմ,  այն ապացուցող բազում փաստեր կան, այն է Անդրանիկ Զորավարի և Ջահանգիր Աղայի բարեկամությունը, որը փայլատակեց Բաշ-Ապարանի ճակատամարտի ժամանակ,   Ղարաբաղյան շարժման ժամանակ իմ գլխավորությամբ 500 հոգանոց եզդիական կամավորական ջոկատով մեկնելը մարտի դաշտ, պաշտպանելու Հայոց հողը, տալով 30-ից ավելի զոհեր" նշում է Ա. Թամոյանը: 

"Կրկին անգամ շնորհավորում եմ բոլորիս` Հայաստանի Հանրապետության քաղաքացիներիս ու աշխարհում գտնվող ամբողջ հայությանը":

Read More

ԵԶԴԻՆԵՐԸ ՄԵՐՕՐՅԱ ՀԵՐՈՍԱՄԱՐՏՈՒՄ

ԵԶԴԻՆԵՐԸ    ՄԵՐՕՐՅԱ    ՀԵՐՈՍԱՄԱՐՏՈՒՄ

Լրացավ Արցախյան շարժման 15 ամյակը: Հերոսական բազմաթիվ էջեր գրվեցին: Արցախյան գոյամարտը, իրոք Հայաստանում ապրող եզդիների համախմբման, հավաքական ուժ դառնալու, հայ ժողովրդին սատար կանգնելու իսկական փորձաքար էր:


Հայաստանի եզդիների միության նախագահ Ազիզ Թամոյանը չափազանց կարճ ժամանակամիջոցում, շարժման առաջին օրերից համախմբեց եզդի երիտասարդներին: Նրա նախաձեռնությամբ Զովունի գյուղում միության կազմակերպված ընդլայնված նիստում առաջին անգամ պաշտոնապես հնչեց ահազանգ-կոչը` ոտքի կանգնել պաշտպանելու հայոց հողը, կանգնել հայ եղբայրների կողքին: Հաջորդ օրը Երևանի պետական համալսարանում կազմակերպեց մեծ հանրահավաք, որին մասնակցում էին շուրջ 500 եզդի երիտասարդներ: Նրանք ոգևորված արձագանքեցին ազգային միության կոչին` եզդի ազատամարտիկների ղեկավար ընտրելով:

Շուտով ստեղծվեց ղարաբաղյան շարժմանը նպաստող կազմկոմիտե, որի նախագահը դարձյալ Ազիզ Թամոյանն է: Եզդիների միության առընթեր ստեղծված ռազմանակ շտաբը ռազմաճակատ ուղարկելու համար ընտրում էր առավել տոկուն երիտասարդների: Եզդիները կռվում էին Հայաստանի սահմանամերձ, ղարաբաղյան բոլոր ռազմաճակատներում` կռվում անձնուրաց, արժանանալով հայ ազատանարտիկների, մարտական ջոկանտների հրամանատարների բարձր գնահատականին...

Եզդիների միության ակտիվիստների ջանքերով հայոց բանակի համար հանգանակվեց վեց միլիոն ռուբլի, որը տրանադրվեց Ղարաբաղի օգնության հիմադրամին, ազատամարտիկների ընտանիքներին: Ազգային միության Նաիրիի շրջանային կոմիտեի նախագահ Սուրիկ (Սուտո) Ավդալյանն իր անձնական ունեցվածքից տասնմեկ տոննա միս ուղարկեց ռազմաճակատ: Այդպիսի նվիրյալներից են Ուսկե Շաբաբյանը, Աբաս Ուսոյանը, Ամարե Բագեն, Մհե Կակեն և շատ ուրիշներ, որոնք իրենց անշահախնդիր օգնությամբ նպաստեցին հաղթանակի գործին: Իսմայիլ Շարոյանի (Իսո), Թեմուր Զեյդինյանի, Գագիկ Հաջոյանի աճյուններն ամփոփված են Եռաբլուրում: Հերոսի լուսապսակով են զարդարված Օմար Ավդալյանի, Մուսա  Բաքիրյանի, Ագիտ Սադոյանի, Սահիդ Միրզոյանի, Բրո Գալոյանի, Բարզանի Խուդոյանի, Ղուլիխան Սուլթանյանի և մյուս զոհված ազատամարտիկների անունները, մարտիկներ, որ անմահացան կռվի ճամփեքում, դարձան հավերժի ճամփորդներ: Ազիզ Թամոյանին այսօր մտահոգված է ոչ միայն զոհված ազատամարտիկների ընտանիքներին օգնելու հարցերով, այլև զգալի աշխատանք է տանում զոհված եզդիների անունով փողոցներ, դպրոցներ, նույնիսկ գյուղ անվանակոչելու ուղղությամբ:

Ձախից` Եզդի Արաբ Սուրիկ

Նա շեշտում է այն մեծ դերը, որ ունեն ազգային միության առընթեր ռազմական շտաբը, եզդի զինվորականների հետ տարվող ընտանիքների գծով հանձնաժողովը. միջոցառումներ կապված հայոց բանակում այսօր ծառայող եզդիների արցախյան հերոսամարտի բովով անցած Անդրանիկ Կասոյանի (Արտաշատ), Ասո Հասանյանի (Արաքսավան), Օնիկ Խուդոյանի (Այգեստան), եղբայրներ Քալաշ, Զահար, Ֆերո Մստոյանների (Նորաշեն), Սարո, Ահմադ Թամոյանների, Քյարամ Միրզոյանի (Բերքանուշ), Արցախում վիրավորված Մշիրե Խուդեդայի, Ուսուբե Աթերի, Ալիկ Թամոյանի, ճանաչված ազատամարտիկ, ռազմաճակատում ոտքը կորցրած Ասյայի և մյուսների հետ: Աշխատանքներն ու մտահղացումները  բազմաբնույթ և բազմաթիվ են, որոնք եզդիների ազգային միությունը և ռազմական շտաբը կենսագործում են առանձին նվիրումով:

Ալբերտ    Փարսադանյան

Read More

Լույս է տեսել - Եզդի Ժողովրդի մասնակցությունը Ղարաբաղյան պատերազմում - դասագիրքը

 Եզդի Ժողովրդի մասնակցությունը Ղարաբաղյան պատերազմում

Եզդիների զորավար Ազիզ Թամոյանի հրամանատարությամբ և ղեկավարությամբ եզդի ազատամարտիկները 1990-1994 թթ. իրենց մասնակցությունը բերեցին Ղարաբաղյան պատերազմում:

<<Սպիկա>> հրատարակչություն, 2010թ.

Կարծիք

Եզդի ժողովրդի արժանի զավակ, Աշխարհի և ՀՀ եզդիների ազգային միությունների պրեզիդենտ, եզդիների ազգային պատմագիտության և աստվածաբանության դոկտոր, պրոֆեսոր, եզդի ժողովրդի ազգային կրկնակի հերոս Ազիզ Թամոյանն այն անձնավորությունն է, ում անունն անվարան կարելի է դնել ինչպես եզդի, այնպես էլ հայ ժողովրդի այն մեծերի կողքը, ովքեր պայքարել են մեր երկու ժողովուրդների հարատև բարեկամության և հայոց պետականության կայացման ու ամրապնդման համար: Ազիզ Թամոյանն Արցախյան շարժման առաջին իսկ օրվանից գլխավորեց իր ժողովրդին. Տարավ քաղաքական պայքարի հրապարակ ու մարտի դաշտ` օգնելու և սատարելու հայ ժողովրդին:

Ազիզ Թամոյանի մեծությունն այն է, որ նա անձամբ ղեկավարեց շարժումն ու պայքարը ու չխուսափեց մարտի դաշտում պայքարելու ընդհանուր թշնամու դեմ և ղեկավարեց եզդի կամավորականների գործողությունները ռազմի դաշտում: Այս ամենով Ազիզ Թամոյանն արժանիորեն շարունակեց եզդի ժողովրդի լեգենդար զավակ` Ջահանգիր Աղայի գործը, ով նախորդ դարի առաջին տասնամյակներին չխնայելով կյանքն ու ունեցվածքը, կանգնեց հայ ժողովրդի կողքը, մասնակցեց Բաշ Ապարանի, Սարդարապատի հերոսամարտերին ու իր և իր ժողովրդի անունները հավերժորեն թողեց ոչ միայն եզդի ժողովրդի, այլև` հայ ժողովրդի հիշողության մեջ…

Այո, Ազիզ Թամոյանն էլ հավատարիմ մնաց իր նախնիների ավանդներին. Հավերժ լինել հայ ժողովրդի հետ:

Կարծում եմ, գիրքն իր արժանի տեղը կգտնի այն գրքերի շարքում, որոնք գրվել են արցախյան շարժման ու հայոց հողի պաշտպանության վերաբերյալ, իհարկե, այն տարբերությամբ, որ այն վերաբերվում է հայ ժովորդի հազվագյուտ հավատարիմ ժողովուդներից մեկին` եզդի ժողովրդին, որն իր անվիճելի առաջնորդ Ազիզ Թամոյանի գլխավորությամբ իր ուրույն ներդրումն ունեցավ Արցախյան հերոսամարտում` տալով տասնյակ զոհեր, անհայտ կորածներ ու հազարավոր մասնակիցներ:

ԵՊՀ ամբիոնի վարիչ, բանասիրական գիտությունների դոկտոր, պրոֆեսոր 

Գառնիկ Ասատրյան

Read More

Ղարաբաղյան պատերազմ` եզդիների մասնակցությունը

ԵԶԴԻՆԵՐԻ ՄԵԾ ԱՎԱՆԴԸ

Սադոյան Ագիտ

Ә’гите Ә’мәр
 (1957-1991)

Ագիտ Սադոյանը կարծես ծնվել էր ֆիդայի դառնալու համար: Նրա արտաքինը, հպարտ տեսքը, հաղթելու հավատը ոգևորում էին բոլորին, մղում հաղթանակի: Նա` Արմավիրի մարզի Երասխահուն գյուղում 1957 թվականին ծնված Ագիտ Սադոյանը, հանրապետության առաջին ֆիդայիներից էր, որը կամավոր մեկնեց Արցախ, մասնակցեց բազմաթիվ մարտերի, դարձավ մարտական ընկերների, բոլորի սիրելին: Նրա համար անընդունելի էր նահանջը, միշտ ձգտում էր հաղթանակի, պատրաստ էր հանուն այդ հաղթանակի զոհաբերել ամենաթանկը` կյանքը:

            Ազատամարտերում հյուծված, առողջությունը կորցրած, վերադառնալով տուն, իր ընտանիքի գիրկը, նա վախճանվեց անժամանակ, 1991 թվականի մայիսի 31-ին, թաղվեց Արմավիրի մարզի Երասխահուն գյուղում:

            Ագիտ Սադոյանն ամուսնացած էր, ունի չորս երեխա, որոնք սրբությամբ են պահում իրենց հերոս հայրիկի հիշատակը:

<< ՄԵՆՔ ԵԶԴԻ ԵՆՔ >>  Գրքից

Read More

Yezidis Participation of Karabagh War

ԵԶԴԻՆԵՐԻ ՄԱՍՆԱԿՑՈՒԹՅՈՒՆԸ ՂԱՐԱԲԱՂՅԱՆ ՊԱՏԵՐԱԶՄՈՒՄ

ԱԶԻԶ ԹԱՄՈՅԱՆԻ ՂԵԿԱՎԱՐՈՒԹՅԱՄԲ

Yezidis participation in the war, headed by Aziz Tamoyan

Read More