.png "English"){kind=small}
ՀՐԴԵՀ
Այսօր Հուլիսի 31-ն է, օրը կիրակի և Քրիստոնեական Վարդավառ տոնը, բոլորը ջրում էին միմյանց, ուրախանում և զվարճանում, սակայն եկավ վատ լուրը. ժամը 13:50-ին հրդեհ բռնկվեց ՀՀ Կոտայքի մարզի, Զովունի գյուղի, Ամո Եզդիական թաղամասի եզդիական գերեզմանոցի տարածքում:
Իմանալուց անմիջապես հետո ահազանգվեց նախ Եզդիների ազգային միություն, ապա հրշեջ ծառայություն: Դեպքի վայր ժամանեց նաև Եզդիների ազգային միության նախագահ Ազիզ Թամոյանը:
Մինչ հրշեջների ժամանելը, այնտեղ մեկնած եզդիները և հայերը փորձում էին կրակի դեմն առնել, որպեսզի այն վնաս չհասցնի գերեզմաններին, քանի որ շատ վտանգավոր կլիներ, եթե կրակը հասներ գերեզմաններին, նույնիսկ չենք ցանկանում պատկերացնել: Հրշեջները եկան ժամը 14:15-ին, փառք Աստծու նրանք ժամանակին հասան և հանգցրեցին կրակը ու ամեն ինչ բարեհաջող ավարտվեց:
Եզդիների Ազգային միության նախագահ Ա. Թամոյանը իր հերթին շնորհակալություն հայտնեց հրշեջներին ժամանակին հասնելու և իհարկե լավ աշխատանքի համար:
Խդր Հաջոյան
Խդր Հաջոյան
khdr.yezid@gmail.com
